Ministria e Punëve të Jashtme ka konfirmuar se Kryeshefi i KRU Gjakova, Hasan Krasniqi, është arrestuar në Bullgari. Sipas MPJD, Krasniqi është ndaluar më 19 shkurt, në pikëkalimin kufitar “Gyushevo”.
Ai është ndaluar pasi ka qenë në kërkim nga Interpoli.
AI duke qenë në pozitën e kryeshefit, ka deklaruar edhe pasurinë e tij, në Agjensinë Kundër Korrupsionit.
Ai ka deklaruar në vitin 2022 se posedon një shtëpi në vlerën 70 mijë euro dhe tokë në po të njëjtën vlerë.
Ai kishte deklaruar edhe një kredi në vlerën 30 mijë euro.
Nga pozita që ai mban ka deklaruar se ka pagën 1,400 euro si dhe një pagë prej 400 euro nga një kompani private./Bota sot
