Policia e Krujës ka arrestuar një 68-vjeçar, pasi gjatë një aksioni kundër armëmbajtjes pa leje, kanë gjetur armë në subjektin e tij.
Shtetasi Naim Kallaku, banues në fshatin Bubq, mbante një armë zjarri tip pushkë, si dhe një armë jofunksionale, e kohës së luftës së Dytë Botërore. Pas gjetjes së armëve, veprimet procedurale përfunduan me arrestimin e tij dhe sekuestrimin e armëve si prova materiale. Çështja ka kaluar në Prokurorinë e Tiranës për hetime të mëtejshme.
Njoftimi i policisë:
Krujë/Vijojnë aksionet policore kundër armëmbajtjes pa leje.
Arrestohet 1 shtetas, të cilit iu gjetën armë në subjekt.
Në vijim të kontrolleve të kryera nga shërbimet e Komisariatit të Policisë Krujë, në bazë të hetimeve proaktive dhe punës së inteligjencës policore, me objektiv goditjen e rasteve të armëmbajtjes pa leje, u konstatua se shtetasi N. K., 68 vjeç, mbante në subjektin e tij, në fshatin Bubq, 1 armë zjarri pushkë. Në ambientet e këtij subjekti, u gjet dhe 1 armë jofunksionale, e dyshuar e kohës së Luftës së Dytë Botërore.
Në përfundim të veprimeve procedurale, shtetasi Naim Kallaku u arrestua, si dhe u sekuestruan me cilësinë e provës materiale, 2 armët.
Materialet procedurale iu referuan Prokurorisë së Tiranës, për veprime të mëtejshme.
Burimi: botasot.info
