I dashuri i këngëtares shqiptare me famë botërore, Rita Ora, regjisori Taika Waititi, ka dhënë së fundmi një intervistë për WIRED, ku ka folur në tërësi për karrierën dhe jetën e tij private.
Ndër të tjerash, ai në një moment ka thënë se shpesh “ngatërrohet për homoseksual”.
Regjisori fitues i çmimit “Oscar”, vë në dukje se ai “herë pas here supozohet nga fansat se është ‘queer’”, një vlerësim që Waititi e përmblodhi duke thënë: “Unë ngatërrohem shumë për homoseksual”.
Taika Waiti dhe Rita Ora
Wired shton se ky perceptim i Waititit është rezultat i sensit të tij të modës dhe i personazheve që ai luan në filma.
Waititi ka luajtur në një numër të madh filmash të tij, duke përfshirë “Jojo Rabbit” të vitit 2019, ku ai u nominua për çmimin “Oscar” në kategorinë “Filmi më i mirë” në vitin 2020.
Taika Waiti dhe Rita Ora
Në të, ai luajti rolin e Adolf Hitlerit të çuditshëm, miku imagjinar i Jojos (Roman Griffin Davis).
Ai është gjithashtu i famshëm për rolin e tij në filmin “What We Do in the Shadows”, në të cilin ai portretizon vampirin e ëmbël ‘Viago’.
Aktualisht 46-vjeçari është në lidhje me këngëtaren shqiptaro-britanike Rita Ora, me të cilin u njoh gjatë qëndrimit të saj në Australi për spektaklin “The VOice Australia”, ku ajo ishte e angazhuar si anëtare e jurisë.
