Në emisionin “Click Plus” Arjanit Hoxha vazhdoi me kritikat ndaj Izet Mexhitit, për të cilin tha se për 18 vjet ka menaxhuar me Shkupin e vjetër dhe se është absurde që të kërkohet reforma me të në BDI.
“Personi i cili për 20 vjet ka qenë udhëheqës i politikave kryesore të BDI-së, ka menaxhuar 18 vjet dhe vazhdon të menaxhojë me Shkupin e vjetër dhe politikbërjen në Shkup. Është absurde të dalim e t’u themi shqiptarëve se, po, ne do ta reformojmë BDI-në duke sjellur Izet Mexhitin në pozicion. Nëse kjo është reformë, unë nuk i besoj kësaj reforme, nëse kjo është rotacion politik, unë nuk i besoj”, tha mes tjerash Hoxha i cili shtoi:
“Paramendoni fotografinë e këtij blloku opozitar, ku në rreshtin e parë do të jenë të rradhitur Izet Mexhiti, Visar Ganiu, Zeqirija Ibrahimi, Bekim Sali e Kastriot Rexhepi. Të gjithë aktorë politik prej 2017 e këndej që kanë kundërshtuar njëri-tjetrin deri në akuza për burgosje, dhe çfarë do t’u thonë këta qytetarëve në Shkup, në Çair, se kush e prishi Çairin, se kush lejoi ndërtime pa leje në Çair?”, shtoi Hoxha.
