Dashi
Falë mbështetjes dhe nxitjes së Diellit dhe të Hënës sot do shtroni në tavolinë çdo gjë që ju qetësin dhe nuk do anashkaloni asgjë. Sa më të hapur të jeni aq më të lehtë do e keni edhe të gjeni zgjidhje. Ju të dashuruarit do ndiheni më të çliruar pas mesditës dhe do filloni të programoni çaste romantike. Partneri mund t’iu bëjë edhe dhurata ose premtime. Ju beqarët nuk do kërkoni gjëra të ekzagjeruara dhe keni për të gjetur sot persona të thjeshtë e interesantë. Në punë kërkoni të takoheni me eprorët dhe t’iu tregoni arrihet sepse kështu ata do ju kenë më në vëmendje. Financat, falë ndihmës së disa miqve, do filloni t’i menaxhoni me mirë.
Demi
Sot shumë gjëra do ndryshojnë për ju dhe do modifikoni edhe prioritetet. Ka mundësi që të fillojë një tjetër ritëm për jetën tuaj. Nëse keni një lidhje partneri do jetë shumë orator dhe me pak veprues. Është tipi i tij, mos mendoni se ai në të vërtetë nuk ju do. Ju beqarët do keni të tjera pikësynime dhe nuk do ndiheni ende në momentin e duhur për të joshur dikë. Në punë do keni probleme me autoritetin e të tjerëve. Nuk do duroni dot që dikush t’iu japë urdhra dhe jo gjë mund të krijoje herë pas here debate. Financat do dobësohen paksa, por kjo gjë nuk duhet t’iu alarmojë.
Binjakët
Sot do jeni në humor shumë të mirë, do mundoheni t’i bëni më të lehta situatat e ndërlikuara dhe do i mbani pranë ata që doni me të vërtetë. Nëse keni një lidhje nuk do ju shkojë aspak nëpër mend tradhtia dhe as nuk do tundoheni nga disa persona. Për ju është themelore forcimi i marrëdhënies dhe zgjidhje e problemeve të vogla. Nëse jeni ende beqarë më mirë shmangni krijimin e lidhjes sepse personat që do njihni sot mund t’iu lëndojnë. Në punë askush nuk do ua ndalë vrullin për të ecur përpara. Sot mund të merrni edhe disa vendime. Në planin financiar mos prisni t’iu bien para nga qielli, por menaxhoni si duhet ato që keni.
Gaforrja
Sot do jeni shumë optimistë dhe do mendoni përherë se çdo problem e ka një zgjidhje. Nëse keni një lidhje, në orët e para të mëngjesit mund të jeni paksa konfuzë, por duke folur me partnerin, duke shprehur mendimet, ndjenjat dhe brengat do arrini të gjeni një zgjidhje. Ju beqarët do merrni disa shkëndija se edhe ai që pëlqeni ka filluar të ndiejë për ju dhe kjo do ju gëzojë pamasë. Në punë do keni disa divergjenca mendimesh me kolegët, por deri në fund të ditës do arrini ta përfundoni edhe vetë atë që keni nisur. Sido që të jetë mirë është të mos mani mëri. Me shpenzimet do e lëshoni dorën pak më shumë sesa duhet.
Luani
Sot do jeni shume të logjikshëm dhe do dini si të veproni në çdo lloj situate. Nëse keni një lidhje do ju duhet thjesht të kaloni pak më tepër kohë me partnerin sepse kur të jeni të dy pranë e pranë do jetë zemra ajo që do ju drejtojë. Ju beqarët do dini si të flirtoni dhe kur t’i thoni diçka një personi. Ka mundësi që pasdite të ndodhë edhe diçka e bukur. Në punë planetët do ju sjellin fat dhe qartësi në mendime. Jo vetëm që nuk do gaboni, por do keni arritje edhe më të mëdha nga sa e kishit parashikuar. Paratë do jenë më të kënaqshme.
Virgjëresha
Do jeni të paqëndrueshëm në mendime gjatë kësaj dite dhe as vete nuk do e dini çfarë doni të bëni. Nëse keni një lidhje do hezitoni të flisni për gjërat që ju shqetësojnë dhe kjo do e përkeqësojë edhe më shumë marrëdhënien me jush. Nëse jeni beqarë do flirtoni here pas here me persona që janë të zënë dhe mund t’iu futeni telasheve. Në punë do keni gjatë gjithë kohës përshtypjen sikur po ecin në një terren të minuar dhe do keni frikë për çdo lloj hapi. Për asnjë çast nuk do ndiheni të qetë. Buxheti nuk do jetë i shkëlqyer, por falë ndihmës së të afërmve nuk do mbeteni pa para në xhep.
Peshorja
Neptuni do ju nxitë shpirtin e analizës gjatë kësaj dite dhe nuk do hidhni hapa pa qenë plotësisht të bindur. Ju të dashuruarit do mendoni gjithë ditës si ta surprizoni partnerin dhe në momentin që do veproni do jeni ju që do surprizoheni. Përveç dhuratave dhe fjalëve të ngrohta ai do iu japë edhe një mesazh shumë të rëndësishëm. Nëse jeni beqarë, sot di afroheni me persona të thjeshtë dhe të qeshur. Në punë, nëse mendoni se keni më shumë aftësi dhe nuk ndiheni mirë në pozicionin që jeni, mos ngurroni të kërkoni ndryshim pozicioni. Nuk humbisni asgjë nëse tentoni. Me shpenzimet do jeni paksa të pakujdesshëm dhe mund një përkeqësim të vogël të situatës.
Akrepi
Do argëtoheni pafundësisht gjatë kësaj dite dhe ndonjëherë do ngatërroni ëndrrën me realitetin. Ju të dashuruarit do jeni shumë më të hapur për eksperienca të reja mjafton që të përjetoni eufori. Partneri do ju bëjë propozime interesante dhe mund t’iu çojë në një botë tërësisht ndryshe, por plot ngjyra. Ju beqarët duhet të ecni sipas ndjenjave dhe nuk duhet të pranoni të dilni me zor me dikë. Në punë do ju duhet herë pas here të improvizoni për të dalë nga vështirësitë që do ju dalin. Në planin financiar priten disa ndryshime të vogla pozitive.
Shigjetari
Sot do jeni shumë të ndjeshëm dhe të brishtë prandaj nuk do arrini të thoni përherë jo. Ju të dashuruarit nuk do kaloni një ditë të keqe, megjithatë do jeni shumë zemërmirë dhe do e lejoni partnerin të bëjë edhe disa gjëra të tepruara. Kujdes sepse nëse vazhdoni kështu një ditë ai do ju marrë nëpër këmbë. Ju beqarët më mirë mos mendoni të hidhni hapa sot sado mundësi të mira t’iu shfaqen. Yjet nuk e rekomandojnë këtë gjë. Në punë vërtet mund të vonoheni pak për të përmbyllur disa detyra, por askush nuk do ketë ankesa për cilësinë. Paratë do jenë të mjaftueshme për gjërat më të nevojshme.
Bricjapi
Saturni do ju nxitë të rrezikoni sot për të provuar aftësitë që keni. Ju të dashuruarit nuk do ndaleni asnjë moment së provuari gjëra të rreja. Partneri do ju bëjë disa propozime të çmendura dhe ju do i pranoni pa u menduar dy herë. Paditja do jetë flakëruese. Ju beqarët do joshni, do flirtoni dhe do bëni gjithçka që të ndryshoni statusin. Edhe mund t’ia dilni, por duke nëpërkëmbur disa parime bazë. Në punë mund të bëheni edhe me nerva në rastet kur gjërat nuk do ju ecin si duhet. Kujdes mos veproni me inat sepse do gaboni rëndë. Financat do dobësohen sepse do jeni të fiksuar pas shpenzimeve edhe për gjëra pa lidhje.
Ujori
Sot do jeni me humor shumë të mirë dhe do e merrni jetën pozitivisht. Nëse keni një lidhje, pavarësisht disa keqkuptimeve të vogla që mund t’iu ndodhin gjatë mesditës, mbrëmja ka për të qene e bukur dhe e mbushur me emocion. Aq sa do jepni edhe do merrni. Ju beqarët mos e lëshoni veten menjëherë edhe sikur dikush t’iu pëlqejë shumë sepse të tjerët mund të talleni më ju. Në punë do jeni fantastikë dhe mjaft produktivë. Çdo sfidë që do ndërmerrni do e përfundoni me sukses. Financat nuk do jenë të shkëlqyera, por ju do dini çfarë masash të merrni për t’i përmirësuar.
Peshqit
Sot çdo gjë do ju duket e mundur falë ndikimit të Hënës. Përgjithësisht do jeni me humor të mirë dhe goxha liberalë. Nëse jeni në një lidhje nuk do i dramatizoni gjërat edhe sikur mes jush dhe partnerit të linde ndonjë konflikt i vogël. Në mbrëmje do kaloni momente edhe më të ngrohta. Ju beqarët ka rrezik të merrni edhe refuzime, por kjo nuk duhet t’iu demoralizojë dhe t’iu pengojë për të ecur më tej. Në punë nuk do keni as kohë të mërziteni. Ambicia do ju bëjë që të mos ndaleni asnjë moment dhe të mos e frenoni veten as para sfidave të vështira. Paratë do dini si t’i menaxhoni me kujdes dhe gjendja do jete goxha e mirë.
Burimi: botasot.info
