Pas gati dy vjetësh është hequr ora policore në Shqipëri. Komiteti Teknik i Ekspertëve vendosi të heqë plotësisht kufizimin e lëvizjes për qytetarët.
Nga dje, qytetarët kanë shijuar daljet gjatë darkës edhe pas orës 23:00 të pashqetësuar.
Madje në Tiranë, heqja e orës policore është festuar me fishekzjarre.
Kujtojmë që Komiteti Teknik i Ekspertëve ka lënë në fuqi masat për përdorimin e maskave në ambientet e mbyllura dhe grumbullimet në masën 30%.
