Komisioni Hetimor i ngritur nga Kuvendi i Shqipërisë për hetimin e impianteve të djegies së plehrave, të njohur si iceneratorët, në Tiranë, Fier dhe Elbasan ka dhe dy javë kohë për të nxjerrë një raport përfundimtar.
Nga inspektimi në terren i anëtarëve të komisionit u pa se asnjëri nga inceneratorët nuk është në funksion.
28 dëshmitarë po japin llogari para komisionit për procedurat e ngritjes së impianteve, ndërsa të parët që iu përgjigjen pyetjeve të deputetëve dy ditët e fundit ishin administratorët e impianteve.
Nga përgjigjet e tyre, sipas deputetëve të opozitës del se edhe pse nga buxheti i shtetit janë kaluar fondet, mbetjet nuk kanë filluar të digjen në Tiranë dhe Fier.
Kryeministri Edi Rama, kryebashkiaku i Tiranës, Erion Veliaj dhe disa zyrtarë të lartë të qeverisë, ministra dhe deputetë, do dalin para komisionit gjatë javës së ardhshme sipas kalendarit.
Pasi të mbarojë marrja e dëshmive, brenda 28 shkurtit, komisioni duhet të përgatisë raportin që duhet t’ia dërgoj seancës plenare të Kuvendit për votim.
Komisioni Hetimor nisi punën në nëntor të vitit të kaluar me nismën e Partisë Demokratike.
Lidhur me çështjen e inceneratorëve, Strukturës së Posaçme kundër Korrupsionit dhe Krimit të Organizuar arrestoj në dhjetor ish-ministri i Mjedisit Lefter Koka.
Koka akuzohet për shpërdorim detyre në kohën kur drejtonte Ministrinë e Mjedisit.
