Kryetari i degës së Lidhjes Demokratike të Kosovës në Gjilan, njëherit nënkryetari i kësaj partie, Lutfi Haziri, pak ora para shënimin të Ditës së Evropës (9 maji), ka shkruar në llogarinë e tij në Facebook, për mënyrën e qeverisjes së qytetit lindor të Kosovës, e të cilën Haziri e ka quajtur asapak europiane.
Haziri, ka thënë se Dita e Evropës, e gjen Gjilanin duke ia nëpërkembur projektet taksapaguesve të BE-së. Duke i stopuar projektet që vijnë pikerisht si investim nga BE-ja.
Haziri e ka quajtur “qeverisje aziatike”, udhëheqjen e Vetëvendosjes atje, në krye me Alban Hysenin, ndonëse sipas Hazirit qytetarët e Gjilanit e vetë Gjilani ëshë Evropë.
E plotë:
Dita e Evropës e gjen Gjilanin duke ia nëpërkëmbur projektet e taksapaguesve të BE-së nga pushteti lokal dhe ai qendror
Në prag të Ditës së Evropës së Schumanit, projektet e BE-së për Gjilanin po neglizhohen e përbuzen nga qeverisja komunale dhe ajo qendrore. Madje, disa prej tyre janë stopuar krejtësisht.
Janë nëpërkmëbur projektet madhore si rugët hyrëse e dalëse të qytetit, Impianti për trajtimin e ujërave të zeza, projektet mbi 14 milionë euro që preket direkt sektori privat për rritje të vendeve të punës në agro-biznes dhe turizëm malor.
Vetëm infrastrukura rrugore, trajtimi i ujërave të zeza dhe programet zhvillimore e komunitare kapin vlerën e mbi 78 milionë euro.
Gjilanasit janë falënderues përjetë ndaj taksapaguesve europianë për mbështetjen në këto dhe mbi 10 projekte tjera, për bashkëpunim ndërkufitar Gjilan/Kumanovë dhe zhvillimin e i mikroregjionit europian Gjilan/Kumanovë/Preshevë përfshirë 14 komuna ndërkufitare, start up për zejtarët, gratë dhe të rinjtë, Inkubatori i IT për të rinjtë, Tregu i Gjelbër dhe tregjet tjera në Velekincë, sikurse edhe tregjet mobile dhe ato për kafshë.
Neglizhenca, nëpërkëmbja dhe trajtimi i projekteve të Gjilanit që i sollëm në qeverisjen e LDK-së si projekte të huaja, po u kushton më së shumti qytetarëve të Gjilanit, duke mos ua përmirësuar mirëqenien e tyre, përkundër premtimeve të mëdha të partisë në pushtet, në nivel lokal dhe në atë qendror.
Gjilanasit nuk ua kanë për borxh këtë keqmenaxhim, këtë degradim e këtë nëpërkëmbje. Edhepse mund t’i vononi, smund t’i ndalni!
Një Gjilan jeton në Europë. Gjilanasit kanë kulturë europiane, por fatkeqësisht kanë qeverisje aziatike.
Gjilani meriton më shumë dhe më mirë!
