Pas një viti Maqedonia e Veriut duhet të ketë mbaruar me skriningun dhe ndryshimet kushtetuese dhe bashkë me Shqipërinë të vazhdoj tutje drejt rrugës euro-integruese me hapjen e kapitujve, tha nga delegacioni evropian në vend, Xhulian Vasalo.
Ai theksoi se është në kontakt me opozitën maqedonase që kjo e fundit të bindet dhe të mbajë përgjegjësi për të ardhmen e vendit. Sugjeroi qeverinë ndërkohë të identifikojë problemet dhe të pasqyrojë pjesët ku legjislacioni i shtetit nuk është i harmonizuar me atë të BE-së.
“Delegacioni i Maqedonisë duhet t’i përfshijë të gjitha institucionet dhe organet për implementimin e ligjeve evropiane… Negociatat për secilin klaster do të hapen pasi që Maqedonia e Veriut t’i përmbush pikat e referimit.”,- tha Xhulian Vasalo në brifing me gazetarët.
Rekomandoi organet gjegjëse që të sigurojnë menaxherë, staf dhe resurse njerëzore për t’i administruar mjetet e BE-së që ndihmojnë në realizimin e kushteve që çojnë në familje evropiane.
Nënkryetari i delegacionit u ndal edhe në sfidat dhe krizën që ka kapluar botën. Tha se Maqedonia e Veriut nuk do të lihet e vetme dhe se do të ndihmohet në sigurimin e ushqimit dhe energjetikës, ndërsa ky problem do të diskutohet në takimin e bashkësisë evropianë e me përfaqësuesit e rajonit në Pragë.
Marketing
