Hamasi publikoi një video që pretendonte se tregonte pengun izraelito-amerikan Edan Alexander, i cili është mbajtur në Gaza që kur u rrëmbye nga grupi më 7 tetor 2023.
Në video ai lutet për lirimin e tij.
I riu prezantohet si Edan Alexander dhe thotë se ndodhet në Gaza prej 551 ditësh. Ai pyet veten pse është ende atje dhe lutet për lirimin e tij.
pic.twitter.com/g12xjtYbkf
Hamas Releases Video Showing Israeli-American Hostage Edan Alexander alive, a soldier in an elite infantry unit on the Gaza border when he was abducted by Hamas during their October 7 attack on Israel.The Alexander family said: “Our Edan is still being…
— Nizam Tellawi (@nizamtellawi) April 13, 2025
Bëhet e ditur se gjatë luftës, Hamasi kishte publikuar tashmë video të pengjeve që luteshin për lirimin e tyre.
Zyrtarët izraelitë i kanë hedhur poshtë më parë pamjet si propagandë të krijuar për t’i bërë presion qeverisë së tyre.
Ndërkohë, lufta vazhdon prej një viti e gjysmë.
Raportohet se Hamasi liroi 38 pengje sipas një marrëveshjeje armëpushimi që filloi më 19 janar.
Qeveria izraelite rifilloi sulmet tokësore dhe ajrore në Gaza në mars, duke thyer armëpushimin e brishtë.
Zyrtarët izraelitë thonë se fushata ushtarake do të vazhdojë derisa 59 pengjet të lirohen dhe Gaza të çmilitarizohet.
Ndërsa Hamasi këmbëngul se do të lirojë pengjet vetëm si pjesë e një marrëveshjeje për t’i dhënë fund luftës dhe ka refuzuar kërkesat për të lënë armët.
Ndryshe, SHBA, Katari dhe Egjipti po ndërmjetësojnë mes Hamasit dhe Izraelit.
Burimi: botasot.info
