Anëtarja e Kryesisë së LDK-së, Sibel Halimi, ka reaguar pas kritikave që kanë shkuar sot në adresë të partisë ku bën pjesë. Ajo ka thënë se pushtetit dhe nismat opozitare po kanë frikë nga “Rruga e Re” që sipas saj tashmë ka trasuar orientimin me qytetarët që e duan një Kosovë përtej realiteteve fiktive.
Ajo ka thënë se propagandës po i vjen fundit dhe se realitete fiktive mbesin vetëm në mendjet popullsitë që synojnë me propagandë t’i kundërvihen realitetit të lloçit.
Këtu ka përmendur punimet për autostradën për Gjilan që sipas Kurtit është dashur të kryhet në vitin e kaluar dhe çerdhen në Podujevë që Halimi e quan “imagjinare”.
Reagimi i plotë:
Frika ndër të tjera definohet dhe ka një rol kyç në përgatitjen e organizmave për të reaguar ndaj rrezikut. Nuk është i rastësishëm mobilizimi sulmues ndaj LDK-së, si nga pushteti ashtu edhe nismat opozitare; është veçse frikë nga “Rruga e Re”, që tanimë ka trasuar orientimin me qytetarët që e duan një Kosovë, përtej realiteteve fiktive paralele të krijuar nga ky pushtet.
Propagandave po i vije fundi! Kosova meriton më mirë, realitetet fiktive do të mbijetojnë vetëm në mendjet populliste që me propagandë i kundërvihen realitetit të baltës, si në këto pamje në autostradën e Gjilanit që sipas tyre është kryer vitin e kaluar; apo çerdhen imagjinare në Podujevë që është “në ndërtim e sipër”!
