Detaje të reja po shfaqen lidhur me hakimin e kompanive Amerikane të telekomunikimit nga hakerët Kinezë që kishin vënë në shënjestër zyrtarët Amerikanë dhe stafet e fushatave zgjedhore.
Sipas Wall Street Journal, qasja e hakerëve ishte më e lartë sesa raportohej më herët dhe komunikimet e mijëra Amerikanëve mund të jenë prekur.
Javën e kaluar New York Times raportoi se hetuesit e FBI-së dyshonin që thirrjet dhe SMS-të ishin aksesuar nga një grup hakerësh njohur si Salt Typhoon.
Grupi akuzohet për shënjestrimin e diplomatëve dhe zyrtarëve të artë shtetërore si dhe të individëve të lidhur me fushatat e dy kandidatëve prë president.
WSJ pretendon se hakerët, të cilët me shumë gjasa punonin për agjencinë Kineze të inteligjencës, kanë qëndron për mëse 8 muaj brenda infrastrukturave të telekomunikacionit dhe mund të kenë arritur të vidhnin të dhënat e mijëra njerëzve që kanë qenë në kontakt me individët e lartpërmendur.
Gazeta vijon më tutje duke konfirmuar raportimet e hershme se shënjestër kanë qenë politikanë dhe figura të lartë shtetërore. Hakerët kanë arritur të kenë qasje në të dhëna telefonike të çdo Amerikani që është konsumator i operatorëve celularë AT&T dhe Verizon. /PCWorld Albanian
Burimi: pcworld.al
