Një grua në Kretë ka denoncuar në polici burrin e saj.
36 vjeçarja pretendon në denoncimin e saj se bashkëshorti i saj e ka rrahur dhe përdhunuar për plot 19 vite. Ajo thekson më tej se torturat e tij i ka duruar gjithë këto vite prej frikës.
Sipas mediave greke, bashkëshorti i saj 38 vjeç është arrestuar.
Siç raportojnë mediat vendase, javën e kaluar në shtëpinë ku ndodhet edhe vajza e tyre 17-vjeçare, dyshohet se ka ndodhur një tjetër episod dhune dhe përdhunimi në familje, që ka qenë pika e fundit për 36-vjeçaren.
Kështu ajo vetë ka shkuar në polici dhe ka ngritur padi ndaj 38-vjeçarit për dhunë në familje dhe përdhunim të vazhdueshëm, ndërsa sipas të njëjtave informacione, denoncimet janë konfirmuar edhe nga vajza e tyre, e cila ankohet gjithashtu se babai ka dhunuar fizikisht.
