Lufta që ka nisur në Ukrainë ka shokuar gjithë botën, ku futbolli nuk mund të lihej mënjanë.
Shumë personalitete të njohura të këtij sporti kanë dhënë komentin e tyre mbi këtë ngjarje, mes të cilëve është dhe Pep Guardiola.
Trajneri i Mançester Sitit u shpreh i hidhëruar për atë që po ndodh, madje duke e lidhur dhe me lojtarin e tij Oleksandër Zinçenko, i cili është ukrainas.
“Të gjithë e duam vendin ku kemi lindur.
Dhe nëse vrasin njerëzit e tu atëherë si do ndiheshe?! Kam folur personalisht me të, ai është një djalë i fortë dhe është stërvitur rregullisht me ne.
E mbaj mend se çfarë ndodhi në Jugosllavi. Askush nuk bëri asgjë. Ka shumë luftëra nëpër botë dhe njerëzit e pafajshëm vriten. Të gjithë duan një shtëpi dhe ushqim në tavolinë. Nuk kemi mësuar ende nga e kaluara. Në fund i forti vret më të dobëtin”.
