Për zëvendëskryeministrin e parë, Artan Grubi, incidenti i mbrëmshëm në sheshin Skendërbeu në të cilin mbështetës i Aleancës për Shqiptarët shtiu me armë në drejtim të protestuesve dhe mbështetësve të VMRO-së dhe Levicës është i inskenuar pikërisht nga këto tre parti.
Grubi thotë se një ngjarje e tillë është për tu gjykuar dhe është e papranueshme dhe se është pasojë e koalicionit të pesë nëntorit “shumicë e re 61”.
“Ajo që ndodhi dje është për tu gjykuar dhe e pa-pranueshme dhe jo vetëm që i ngjanë, por është skenarë mes VMRO-së, “Levicës” dhe Aleancës për Shqiptarët dhe këto janë pasojat e koalicionit të 5 nëntorit pikërisht këtu në Kuvend. Kur dolën nga takimi zotërinjtë me shumicën e re, 61 dhe pasojat shihen sot. Politika nuk mund të udhëhiqet nga njerëz të papjekur, jo serioz. Veçanërisht, nuk mund të udhëhiqen as institucionet po as partitë politike sepse pasojat janë të mëdha”, deklaroi Grubi.
