Duke folur për të ariturat politike të BDI-së në 20 vitet e fundit, zv.kryeministri Grubi në emisionin debativ në Klan ka thënë se shqiptarët janë të bindur dhe i besojnë politikave të kryetarit të Bashkimit Demokratik për integrim.
Ai tha se nga politikat e ahmetit nuk kanë pësuar asnjë dëm komunitetet tjera. Shtoi se BDI-ja ka shumë të arritura, duke përmendur disa. Foli edhe për marrëveshjet ndërkombëtare dhe qëndrimin dhe “reformatimin” e VMRO-së.
“Më intereson qëndrimi i VMRO-së për Marrëveshjen e Ohrit, Marrëveshjen për fqinjësi të mirë me Bullgarinë, dy gjuhësinë, Marrëveshjen e Prespës. Duhet të presim nëse kjo parti do të lëshojë kumtesa, njoftime edhe në gjuhën shqipe. Dua të bëj vlerësim dhe lidershipit vizavi këtyre çështjeve”, tha Grubi. Foli edhe për koalicionin e mundëshëm në të ardhmen me VMRO-në. “Ne luftojmë dhe punojmë për të fituar zgjedhjet.
E vetmja parti që kishte rritje në zgjedhjet e fundit është BDI-ja. Opozita shqiptare dhe maqedonase kishin rënije. Të gjitha partitë shqiptare nuk tubuan më shumë se 80 mijë vota, kurse BDI-ja kishte e vetme më shumë. BDI-ja sa vjen e rritet dhe fuqizohet”, tha Grubi.
