Bashkimi Demokratik për Integrim si pjesëmarrës në koalicionin qeverisë konsideron që zgjedhjet e parakohshme parlamentare mund të mbahen në Prill të vitit 2024 bashkë me zgjedhjet presidenciale. Kështu ka thënë zëvendëskryeministri i parë, Artan Grubi, gjatë ekspozesë me rastin e 100 ditëve të para të Qeverisë, informon GAZETA.MK
“BDI si pjesë e këtij koalicioni e përkrah fuqishëm shumicën parlamentare, koalicionin qeverisës dhe jemi këtu për ti realizuar këto projekte. Qytetarëve nuk ju duhet papara shikueshmëri, qytetarëve nuk ju duhen aventura të zgjedhjeve sepse ato ju duhen vetëm agjendave destabilizuese të rajonit të cilat i bën dikush tjetër, por ju duhet një Qeveri e përgjegjshme sociale e cila dëgjon qytetarin dhe i realizon këto projekte” është shprehur Grubi.
