Ministri i Shëndetësisë i Greqisë, Thanos Plevris, tha sot se mbajtja e detyrueshme e maskave në shumicën e vendeve publike do të hiqet nga 1 qershori deri më 15 shtator.
Në veçanti, maskat nuk do të nevojiten më në trafik, në automjete me ulës të numëruara (aeroplanë, trena, autobusë ndërqytetës) dhe dyqane me pakicë, shkruan Kathimerini.
Maskat mbeten të detyrueshme në institucionet shëndetësore, konkretisht në spitale, qendra shëndetësore, por edhe në shtëpitë e të moshuarve, si dhe në transportin publik – autobusë, metro, trolejbusë, tramvaje.
Qeveria do të vazhdojë të këshillojë qytetarët që të mbajnë maska, veçanërisht në vendet ku ka shumë njerëz.
Një organ shkencor që këshillon qeverinë për pandeminë do të vendosë javën e ardhshme për një ndryshim të mundshëm të masave në shkolla dhe në anije.
