Prokuroria Themelore Publike Shkup ka lëshuar urdhër për zhvillimin e procedurës hetuese ndaj një 31-vjeçari për të cilin ekziston dyshimi i bazuar se ka kryer veprën penale grabitje nga neni 237 paragrafi 4 në lidhje me paragrafin 1 të Kodit Penal të cilën e ka kryer më 04 të këtij muaji në një bankë në rr. “Bojmija” në Shkup nga ku ka marrë 2.628.901,55 denarë.
Siç njoftoi sot Prokuroria Publike, më 04 të këtij muaji, i dyshuari ka hyrë në një filial të bankës në rr. “Bojmija” në Shkup dhe me kanosje të rëndë dhe përdorimin e armës së zjarrit ka kërcënuar jetën e dy punonjësve të bankës, duke marrë 2.628.901,55 denarë. Personi menjëherë ka ikur nga vendi i ngjarjes.
Pasi personi u privuar nga liria, paratë u gjetën dhe iu kthyen bankës.
Prokurori publik kompetent ka dorëzuar propozim në Gjykatën Themelore Penale të Shkupit për caktimin e masës së paraburgimit ndaj të dyshuarit.
Burimi: tv21
