Te skuadra e futbollit Gostivari ka telashe dhe në ditët në vazhdim pritet të ndodhë një eksod i vërtetë.
“Vendimi i skuadrës për t’u ndarë me një nga lojtarët e saj pak javë para përfundimit të kampionatit maqedonas, ku Gostivari ka ende mundësi për të fituar titullin, dhe për t’u kualifikuar në Evropë, është i papritur.
Aldair Djalo nuk është më pjesë e Gostivarit.
Ky është një vendim zyrtar i drejtuesve të klubit, spekulohet edhe për largimin e lojtarëve të tjerë.
Në qarqet futbollistike po qarkullon lajmi se trajneri Mert Nobre është shkarkuar pas disfatës nga Voska Sport, ndërkohë që bëhet e ditur largimi i shumicës së të huajve.
Aldair ka luajtur titullar në ndeshjen e fundit ndaj Voska Sport, dhe kaloi 73 minuta në fushë. Nuk dihet se çfarë qëndron pas kësaj lëvizjeje të Gostivarit”, shkruan mediumi maqedonas “Ekipa”.
Padyshim që skuadra pritet të ketë një fytyrë krejtësisht të re sezonin e ardhshëm.
Ndryshe, Gostivari ka një nga skuadrat më të mira sa i përket emrave në kampionat.
Burimi: botasot.info
