Detaje të reja kanë dalë nga gomonia, e cila u pikas dje në brigjet shqiptare.
Ebrieta Maçaj raporton se fillimisht mjeti është pikasur dje nga Frontex, e cila ka njoftuar Policinë Kufitare.
Menjëherë kjo e fundit ka nisur shërbimet nga Saranda në Kepin e Rodonit për të kapur mjetin në bashkëpunim më Guarda Di Financa.
Mjeti ka ecur 7 milje larg bregdetit shqiptar dhe dyshohet se kishte si destinacion Malit të Zi.
Mjeti lundrues nuk ka mbërritur në Malin e Zi, por është gjetur i djegur, në zonën e Laçit.
Mësohet së në të kanë qenë 3 persona, të cilët nuk dihen nëse kanë qenë shqiptarë apo të huaj.
Gomonia gjatë gjithë lëvizjeve ka qenë e mbuluar dhe dyshohet se në të mund të ketë pasur lëndë narkotike.
