GJKKO ka refuzuar kërkesën e Fredi Belerit, kryebashkiakut të zgjedhur të Himarës për një masë më të lehtë sigurie, duke e lënë atë sërish në burg.
Në seancën e sotme ishte i pranishëm edhe vetë Fredi Beleri, i cili akuzohet për korrupsion në zgjedhje në bashkëpunim me Pandeli Kokaveshin.
Ndërkohë në një dalje për mediat avokati tha se klienti i tij po mbahet në burg politikisht.
Avokati u shpreh gjithashtu se Beleri kërkoi të drejtën e tij të lirohet dhe të shkojë të betohet për votën që ka marrë nga populli.
Fredi Beleri mbahet në arrest prej 12 majit të këtij viti pasi u arrestua për blerjen e votave të 8 qytetarëve kundrejt 40 mijë lekëve.
