Raundi i dytë i betejës ligjore mes Google dhe Komisionit Europian vjen ditën e Mërkure kur Gjykata Europiane e Drejtësisë do të vendosë në lidhje me gjobë 4.34 miliardë euro vendosur ndaj gjigantit të kërkimit lidhur me përpjekjet e tij për të dominuar tregun e smartfonëve.
Ndërsa Komisioni Europian mori një fitore të madhe kur gjykata mbajti në fuqi gjobën për hetimin e parë ndaj Google, pasi humbi dy beteja të tjera përballë prodhuesve të çipeve si Qualcomm dhe Intel.
“Nëse humbasin betejën nesër me Android, do të ishte një përfundim i keq për Komisionin,” tha Dirk Auer, drejtor i politikave të konkurrencës pranë International Center for Law & Economics në SHBA.
“Do të thoshte se pas një dekade rregulla të ashpra konkurrence, ky rast, mund të refuzohet pjesërisht nga gjykatësit në Luksemburg.”
Rasti i Android përqendrohet në tre lloje kontratash që Google ka nënshkruar me prodhuesit e smartfonëve dhe operatorët e telekomunikacionit të cilët e kanë ndihmuar të zgjerojë perandorinë e kërkimit e cila sot nuk ka thuajse fare konkurrencë.
E para, quajtur marrëveshja e shpërndarjes së aplikacioneve mobile (MADA), e cila kërkon që prodhuesit e smartfonëve të instalojnë paraprakisht Google Search dhe shfletuesit në mënyrë që të marrin dyqanin e aplikacioneve Play Store.
Marrëveshjet kundër fragmentimit (AFA) gjithashtu kanë detyruar prodhuesit e smartfonëve të distancohen nga versione alternative të Android. Së fundi Komisioni Europian vuri në shënjestër marrëveshjen e Google për ndarjen e të ardhurave (RSA) të ardhura të cilat ndaheshin mes Google dhe operatorëve dhe prodhuesve të smartfonëve.
Hetimi i Komisionit Evropian nisi në 2013-ën nga një ankesë e FairSearch, anëtarët e të cilit janë Oracle dhe Nokia e më përpara ishte përfshirë Microsoft.
Ndarja e të ardhurave
Sipas Komisionit Europian, marrëveshjet e ndarjes së të ardhurave ishin një formë ekskluziviteti dhe është një prej pikave të dobëta të Komisionit në gjykatë.
“Gjykatat Evropiane janë të shqetësuara se Komisioni nuk po arrin të provojë efektet e praktikave anti-konkurruese për të cilat akuzon Google,” tha Auer duke ju referuar humbjeve të fundit në gjykatë përballë Intel dhe Qualcomm ku të dy rastet përfshinin pagesa dhe marrëveshje ekskluzive mes palëve të përfshira.
“Pyetja këtu është se deri në çfarë mase këto marrëveshje për ndarjen e të ardhurave përbëjnë shkelje,” tha FairSearch. “Mbetet interesante për tu parë sesi gjykata e shikon duke qenë se provat janë konfidenciale.”
Thomas Vinje i FairSearch tha se hetimi i BE-së ndaj sjellje anti-konkurruese të Google mund të përfundojë në probleme proceduriale të ngjashme me Intel dhe Qualcomm, një ankesë e ngritur edhe nga vetë Google.
Ilaçi DMA
Google u urdhërua të kompensonte dëmin dhe praktikat anti-konkurruese për aplikacionet mobile në 2018-ën dhe prezantoi një ndërfaqe të re përzgjedhjeje për aplikacionet e kërkimit në internet si alternativë ndaj aplikacioneve të Google në telefonët e sapoblerë.
Rivalët më të vegjël si Qwant dhe DuckDuckGo u ankua se kjo masë nuk ishte e mjaftueshme që tu jepte atyre mundësinë të përballeshin me Google. Ndërsa gjiganti i kërkimit u detyrua të rrëzonte sistemin e ankandit me pagesë, Komisioni nuk plotësoi kërkesat e rivalëve të Google.
“Nuk u konsultuam asnjëherë lidhur me masat që u morën. Duhej të kërkonim publikisht përmes një letre të hapur,” tha një përfaqësues i DuckDuckGo. “Kjo bëri të masat e marra të ishin të kufizuara duke qenë se ekzistonte një marrëdhënie pune konstruktive.”
“Problemi është se nuk u morën masat e duhura duke qenë se e gjitha u zgjidh duke i kërkuar vetë Google zgjidhjen e problemit që kishte shkaktuar vetë,” tha Alexandre De Streel, një akademik pranë Qendrës Evropiane për Rregullim, anëtarë të të cilës janë edhe Google e Microsoft apo edhe kompani të vogla si DuckDuckGo.
Firmat që konkurrojnë në biznesin e kërkimit tashmë mbështeten në Aktin e Tregjeve Dixhitale (DMA) miratuar së fundi nga Bashkimi Evropian për të përfituar nga shanset që kishin kërkuar në fillim.
Rregullat, të cilat hyjnë në fuqi drejt fundit të vitit, përfshijnë edhe detyrimin e të ashtuquajturve rojtarët e portave si Google për të implementuar ndërfaqe alternativash dhe përdoruesit të kenë mundësi të përzgjedhin lirisht konfigurimin e pajisjeve të tyre. Të dy këto koncepte vinë nga rasti Android.
“Çfarë gjykata do të thotë nesër, do të shërbejë si bazë për interpretimin e çdo mase të aplikuar nga Komisioni,” tha De Streel. Por nëse Komisioni humbet disa aspekte të betejës ligjore, nuk mendojmë se do të cënojë DMA, sepse është një instrument tjetër ligjore që ka synim sigurimin e konkurrencës së ndershme.
Për Vinje, DMA është përgjigje përfundimtare. “Nëse Komisioni humb, DMA do të parandalojë abuzime të ngjashm në të ardhmen. /PCWorld Albanian
