Heroi i ndeshjes ndaj Italisë, Enis Bardhi pas golit fantastik që i dha barazimin Maqedonisë së Veriut, thotë se ekipi aktual gjithmonë e ka pasur dhe e ka aftësinë për gjëra të mëdha, shkruan TV21. Bardhi pas ndeshjes tha se ky ekip çdo herë në fushë ka 11 zemra që janë të gatshëm ta japin jetën për fitore.
“Unë kam thënë se kjo bandë gjithmonë, do të thotë bën diçka të madhe që…, nuk e di këtë e kemi, e kemi pasur edhe më herët. E kemi bërë edhe më herët, vetëm se ndonjëherë mendoj se na mungon që të besojmë në atë që mundemi shumë punë të bëjmë. Gjithmonë kam thënë, jemi shtet i vogël, por kemi 11 zemra që do të japin jetën në terren, edhe ata që hynë në lojë, edhe ata që janë në rezervë, do të thotë i gjithë ekipi i përfaqësueses duhet të vijë këtu dhe të jemi të uritur siç ishim sot”, tha Bardhi./tv21.tv
Burimi: TV21
