Ceremonia e Topit të Artë do të mbahet të hënën më 28 tetor në Paris.
Në këtë event do të marrin pjesë 28 futbollistë që do të konkurrojnë për trofeun më prestigjioz individual në botën e sportit.
Një nga ata është mesfushori shqiptar i Bayer Leverkusenit, Granit Xhaka, i cili është përfshirë në listën e kandidatëve për “Topin e Artë”.
Xhaka luajti një rol kyç në suksesin e Bayer Leverkusen, duke kontribuar në fitimin e Bundesligës sezonin e kaluar, dhe France Football e ka nderuar me një nominim.
Ai është shqiptari i parë që merr një nominim për këtë çmim të rëndësishëm.
Sipas asaj që raportohet në mediat gjermane dhe ato zvicerane, Xhaka do të duhet të kënaqet me listën e vendeve nga pas top 10-shes deri në top 20.
Burimi: botasot.info
