Gjermania kërkon nga Serbia të bëjë më shumë për të ulur tensionet me Kosovën

October 4, 2023
1 minut lexim

Gjermania e quajti tërheqjen e trupave të Serbisë nga kufiri me Kosovën një “hap të rëndësishëm”, por i kërkoi Beogradit të bëjë më shumë për të ulur tensionet me fqinjin e tij, raporton Anadolu.

Duke folur për mediat në Berlin, zëdhënësja e Ministrisë së Jashtme gjermane, Kathrin Deschauer, tha se situata në rajon është “mjaft shqetësuese” pas sulmit të një grupi të armatosur serb në veri të Kosovës më 24 shtator.

“Serbia e ka për obligim që pa mëdyshje të bëjë thirrje për heqjen dorë nga dhuna. Në përgjithësi, situata është sigurisht e tensionuar. Shenjat e para të reduktimit të trupave serbe janë një hap i rëndësishëm drejt shpërshkallëzimit. Megjithatë, ne duam të theksojmë sërish se tani duhet të ndërmerren hapa të mëtejshëm drejt shpërshkallëzimit”, tha ajo.

Sipas Deschauer, ministrja e Jashtme Annalena Baerbock planifikon të udhëtojë në Shqipëri këtë të enjte për bisedime me ministrat e jashtëm të vendeve të Ballkanit Perëndimor.

Baerbock do të zhvillojë gjithashtu bisedime me homologun kosovar dhe atë serb në margjinat e takimit si pjesë e Procesi i Berlinit, i cili synon të promovojë afrimin mes shteteve të Ballkanit Perëndimor dhe BE-së.

Ndërkaq, zëdhënësi i Ministrisë së Mbrojtjes, Michael Stempfle, përsëriti se aktualisht nuk ka plane për të rritur numrin e ushtarëve gjermanë në kuadër të KFOR-it, forcës paqeruajtëse ndërkombëtare të udhëhequr nga NATO në Kosovë.

Aktualisht në Kosovë ndodhen 71 ushtarë gjermanë.





MARKETING

RENT A CAR

Story i mëparshëm

Mbërrin versioni zyrtar i Android 14 për telefonët Pixel

Story i radhës

Balluku dhe ambasadori gjerman nënshkruajnë marrëveshjen për programin e infrastrukturës

Të fundit nga

​Kadri Veseli feston datëlindjen e 58-të

Kadri Veseli feston sot ditëlindjen e tij të pesëdhjetetetë. Ai u lind më 31 maj 1967 në Mitrovicë. Shkollimin fillor e kreu në shkollën “Ismail Qemali” në Bair të Mitrovicës. Dy vite

Horoskopi i datës 31 maj 2025

Dashi Gjatë kësaj dite do përjetoni emocione kontradiktore dhe shpesh nuk do dini as se si të veproni. Ju të dashuruarit nuk do bëni aspak lëshime dhe do doni që partneri të
sqmken
ShkoLartë