Kryeministri Kyriakos Mitsotakis ka vizituar pasditen e së dielës spitalin “Evangelismos” ku është shtruar dhe po merr trajtim mjekësor kryepeshkopi i Shqipërisë Anastas Janullatos.
Sipas burimeve qeveritare, Mitsotakis u informua nga profesoresha e Pulmologjisë dhe Kujdesit Intensiv, Anastasia Kotanidou, për gjendjen e tij shëndetësore e cila është përkeqësuar.
Kryepeshkopi i Shqipërisë është transportuar të premten me një avion të Forcave Ajrore nga Tirana në Athinë, në spitalin “Evangelismos”.
Dje drejtoria e spitalit me një deklaratë për shtyp bëri me dije me një njoftim mjekësor, se gjendja e tij shëndetësore ishte stabile dhe se ai ka qëndruar në një dhomë normale pa u intubuar. Por , sipas informacioneve të fundit, shëndeti i tij është përkeqësuar ditën e sotme dhe situata është kritike për hierarkun 95-vjeçar.
Burimi: botasot.info
