Një koleksion prej 3.404 vezësh u sekuestrua në Australi pas një operacioni evropian për të luftuar tregtinë e paligjshme të shpendëve, raporton BBC.
Më 9 korrik, hetuesit zbuluan një ngarkesë me vlerë deri në 500.000 dollarë australianë në një pronë në Granton, Tasmania.
Vezët ishin fryrë ose zgavruar, që do të thotë se ato kishin vetëm vlerë dekorative.
Një hetim ka nisur kundër një 62-vjeçari, por nuk është bërë ende asnjë arrestim, thanë zyrtarët.
I dyshuari pritet të paraqitet në gjykatë për shkelje të Ligjit për Mbrojtjen e Mjedisit dhe Biodiversitetit.
Analiza e vezëve po vazhdon për të konfirmuar se cilës specie i përkasin, por besohet se përfshijnë specie të rralla që përballen me një rrezik të lartë zhdukjeje.
Burimi: botasot.info
