Gjashtë persona kanë mbetur të vrarë pas sulmeve me raketa, ndërsa dëme të shumta në sistemin e energjisë janë shkaktuar në rajonin e Kievit.
“E vogla jonë ishte duke fjetur. Dy vjeç. Ajo po flinte, u mbulua. Ajo është gjallë, falë Zotit. Unë jam vendas. Ata do të gjejnë një vend për ne diku… të gjithë janë në të njëjtën barkë. Nuk jam vetëm unë”, tha Fyodr, një banor i Kievit, i cili po largohej nga një bllok apartamentesh në djegie që u godit në Kiev.
Kryetari i bashkisë së Kievit, Vitali Klitschko deklaroi se 80% e njerëzve në kryeqytet ishin pa energji dhe ujë.
Kievi ishte një nga objektivat kryesore të sulmeve me raketa ndaj objekteve energjetike që ndërprenë energjinë në shumë rajone dhe i bënë të nevojshme ndërprerjet emergjente në të tjera për të kursyer energjinë dhe për të mundësuar riparime me fillimin e dimrit.
Burimi: GAZETA.MK
