1
Shkup, 31 mars – Gjashtë pacientë sot kthehen nga jashtë – pesë nga Serbia (tre nga Qendra klinike e Nishit dhe 2 nga AUM Beograd) dhe një nga Italia, bën të ditur Ministria e Shëndetësisë. Ata do të pranohen në institucionet shëndetësore nga ku janë dërguar dhe sipas lëndimeve që kanë marrë.
Sa u përket pacientëve të tjerë që ndodhen ende jashtë shtetit, disa prej tyre kanë shënuar përmirësim, ndërsa disa të tjerë mbeten të intubuar dhe në gjendje më të rëndë shëndetësore.
Në institucionet shëndetësore të vendit mbeten 16 pacientë në gjendje të mirë të përgjithshme, nga gjashtë në Spitalin “Shën Naumi i Ohrit” dhe në SPQ “8 Shtatori”, si dhe katër në spitalet private.
“Ministria e Shëndetësisë vazhdon të ndjekë me kujdes gjendjen e pacientëve të lënduar dhe mbetet në komunikim të vazhdueshëm me ekipet mjekësore brenda dhe jashtë vendit, duke u përkushtuar të sigurojë kujdes më të mirë të mundshëm për të lënduarit nga fatkeqësia në Koçan”, thekson Ministria.
BURIMI: zhurnal.mk
