Olivier Giroud vazhdon të jetë vendimtar për Francën me golat e tij dhe këtë e ka treguar edhe sot, teksa ka shënuar golin e 2-1 përballë Anglisë, në atë që rezultoi të ishte më pas rezultati me të cilin “gjelat” u kualifikuan në gjysmëfinalet e Botërorit. Gol që thellon rekordin e tij si golashënuesi më i mirë në historinë e përfaqësueses, por që kishte një peshë shumë më të madhe.
Zhiru në fakt ishte më i lumtur për kualifikimin mes katër më të mirëve në Botëror, pasi Franca ka synime të mëdha që të rifitojë përsëri trofeun.
“Është e jashtëzakonshme. Ne ia dolëm të luanim në mënyrë të shkëlqyer në fazën mbrojtëse pasi kaluam në avantazh. M’u kujtua Belgjika në vitin 2018. Për fat të keq, pësuam me këtë penallti.
Ishte një ndeshje e madhe, ne të gjithë e njohim potencialin të këtij brezi anglez.
Kemi bërë një ndeshje solide, me shumë bujari. Ne kemi qenë ku duhet në pikëpamjen psikologjike dhe jam shumë krenar me këtë ekip”, ishin fjalët e Giroud.
