Ambasadori i Bashkimit Evropian Dejvid Gir i pyetur për qëndrim në lidhje me paralajmërimin për referendum nga opozita, refuzoi të komentojë në mënyrë të drejtpërdrejtë këtë, siç tha, “çështje sovrane të shtetit”. Megjithatë vuri në dukje vërejtjet se në procesin e negociatave aderuese për anëtarësim në BE, që përmes “skriningut” ka filluar që në 20 korrik, duhet të kyçen të gjithë në vend. Reformat në të gjitha fushat e jetesës janë për të mirën e qytetarëve dhe për gjeneratat e ardhshme, deklaroi Gir.
