Kryetari i Kuvendit, Afrim Gashi ka njoftuar për takimin që ka patur me presidentin e Shqipërisë, Bajram Begaj.
“Kisha nderin e madh që bashkë me zv. kryeministrat Izet Mexhiti dhe Arben Fetai të mirëpresim në Shkup Presidentin e Republikës së Shqipërisë, Bajram Begaj. Ky takim ka rëndësi të veçantë, duke shënuar një tjetër hap të rëndësishëm në forcimin e marrëdhënieve tona vëllazërore dhe bashkëpunuese.
Ishte një bisedë shumë konstruktive dhe e ngrohtë, ku shkëmbyem mendime dhe ide për përforcimin e partneritetit tonë strategjik. Diskutuam për mundësitë e përbashkëta që na ofron e ardhmja, për rrugën e integrimit europian dhe për sfidat që kërkojnë bashkëpunim të ngushtë dhe të vazhdueshëm.
Theksuam nevojën për të forcuar më tej angazhimin tonë dhe për të mbështetur njëri-tjetrin në rrugën drejt një të ardhmeje të përbashkët dhe prosperuese”, ka shkruar Gashi.
Burimi: alfax.mk
