Kryetari i Kuvendit, Afrim Gashi, mori pjesë në mbrëmjen solemne të organizuar me rastin e 20-vjetorit të Oda Ekonomike e Maqedonisë Veri-Perëndimore, ku vlerësoi rolin e saj në zhvillimin ekonomik të vendit.
Në fjalimin e tij, Gashi theksoi kontributin e Odës në zhvillimin ekonomik, fuqizimin e sipërmarrjes dhe avancimin e klimës së biznesit, duke nënvizuar rëndësinë e partneritetit ndërmjet institucioneve dhe sektorit privat.
“Bashkëpunimi ndërmjet institucioneve dhe sektorit privat mbetet kyç për një ekonomi më konkurruese dhe një të ardhme më të mirë për qytetarët”, deklaroi Gashi.
Ai uroi drejtuesit dhe anëtarët e Odës për jubileun e rëndësishëm, duke shprehur mirënjohje për angazhimin e tyre në mbështetjen e biznesit dhe zhvillimin ekonomik.
“Uroj që të vazhdojnë me suksese të mëtejshme në misionin e tyre”, tha Gashi gjatë ceremonisë solemne.
Burimi: alfax.mk
