Kryeparëlamentari, Afrim Gashi, në një intervisrtë për Radion Evropa e Lirë tha se ndjehet si një nxënës në detyrën e tij të re dhe nuk do t’i jepte vetes notë për punën e deritanishme. Megjithatë, ai theksoi se në nivelin e përgjithshëm të Parlamentit janë vërejtur përmirësime në disa fusha të rëndësishme.
Gashi theksoi se ka pasur avancim të ndjeshëm në funksionalitetin, efikasitetin, transparencën dhe diplomacinë parlamentare, fusha që kanë qenë objektiva strategjike edhe para marrjes së tij të detyrës si kryeparlamentar.
Ai theksoi se këto përmirësime mund të dëshmohen me fakte dhe shifra konkrete. Megjithatë, Gashi pranoi se perceptimi i qytetarëve për Parlamentin mbetet një sfidë, duke theksuar se ndryshimi i këtij perceptimi është një proces i ngadalshëm.
“Në këto 30 vite të demokracisë sonë, është krijuar një perceptim negativ për Parlamentin.
Ne nuk mund të presim që kjo energji negative të zhduket menjëherë, por kemi hapur mjaft kanale për ta larguar atë”, tha ai.
Gashi shprehu shpresën se gjatë mandatit të tij, qytetari i zakonshëm, edhe ai nga ndonjë fshat i largët, do të ndihet krenar dhe i lumtur për Kuvendin që ka.
“Është shumë e rëndësishme që në fund të mandatit edhe ata që nuk na kanë votuar, të ndihen të kënaqur me punën tonë”, përfundoi Gashi.
Burimi: lajme24.mk
