Oskar Piastri merr fitoren e tij të parë në sezonin 2025! Piloti i MekLaren u rendit i pari në garën për Çmimin e Madh të Kinës.
Piastri arriti të përdorë pozicionin e tij pole për të rrëmbyer fitoren e tij të tretë në Formula 1, i ndjekur nga shoku i tij i MekLaren, Norris në pozitën e dytë dhe me shoferin e Mercedesit, Rasëll që mbyll podiumin.
Pas një fillimi të vështirë gare, kampioni në fuqi Maks Vershtapen përfundoi në vendin e katërt në të cilin filloi. Ndërkohë, Lëklerk zuri vendin e pestë, i ndjekur nga shoku i tij i Ferrarit, Luis Hamilton në pozitën e gjashtë.
“Unë shpresoja të mbyllej kështu. Ka qenë një fundjavë e pabesueshme nga fillimi në fund. Thjesht krenar për gjithë fundjavën. Ajo që ndjej është se e meritoja nga java e kaluar. Skuadra bëri një punë të shkëlqyer. Turma ka qenë e shkëlqyer këtë javë. Ka shumë tifozë të Luis Hamilton. Ne do të konvertojmë disa prej tyre vitin e ardhshëm”, deklaroi Piastri për “Sky Sports” pas triumfit.
Burimi: botasot.info
