Rudi Garcia u kthye në Itali shtatë vjet e gjysmë pas lirimit nga Roma. Ai pranoi një sfidë të vështirë: drejtimin e kampionëve të Italisë, duke zëvendësuar Spallettin.
Me rastin e nisjes së kampionatit, trajneri francez ka dhënë një intervistë të gjatë për Dazn, ku ka folur edhe për përvojën e tij të mëparshme si verdhekuq.
Për Francesco Tottin: “Totti ishte një kampion i madh, si Cristiano Ronaldo. Një nga të paktët që kishte cilësi të jashtëzakonshme teknike. Ishte i çmendur”.
Për Spallettin: “I dhashë vendin te Roma dhe i mora vendin te Napoli. Kam respekt të madh për të, bëri gjëra të mëdha tek Napoli”.
Për Mourinhon: “E kam takuar kur ishte te Reali dhe unë te Roma. Sot është kundërshtar, por gëzimi që u ka kthyer tifozëve të Romës është i rëndësishëm, stadiumi është gjithmonë plot. Ai ka fituar shumë, ka një palmares të çmendur”.
