Crystal Palace kanë bërë një paraqitje heroike mbrëmë ndaj Manchester City, me fatin që ishte në anën e tyre.
Skuadra e Patrick Vieira mori një barazim pa gola, falë një angazhimi maksimal në fushën e blertë.
Lojtarët e Crystal Palace vrapuan shumë, dhe këtë më së miri e dëshmon deklarata e Conor Gallagher pas ndeshjes.
“Unë nuk i ndjej dot këmbët e mia. Të gjithë djemtë punuan shumë, dhamë gjithçka dhe jam krenar me skuadrën”, ka thënë Gallagher.
“Kam vështirësi të flas, këmbët e mia kanë vdekur”, shtoi lojtari pas ndeshjes.
Gallagher mbuloi 12.5 kilometra me vrapim gjatë mbrëmjes së kaluar duke qenë kështu lojtari që vrapoi më së shumti.
