Analisti Fitim Zekthi, duke komentuar fushatën për zgjedhjet e 11 majit, është shprehur se klasa politike në Shqipëri nuk reflekton njerëzit.
Ai tha në studion e emisionit “Open” në Neës24 se partitë financohen nga një bazë e njëjtë e caktuar biznesmenësh.
“Ne në Shqipëri, por edhe në shtete të tjera, kemi një klasë politike që nuk reflekton fare njerëzit. Klasa politike në Shqipëri ka mënyrën e vetë të komunikimit, gjuhën dhe stilin e vetë, por edhe ekonominë e vetë politike.
Partitë politike në Shqipëri nuk financohen më nga kuotat e njerëzve, financohen nga një bazë e caktuar biznesmenësh dhe klasa politike në Shqipëri ka të njëjtën bazë biznesmenësh. Edhe është e shkëputur totalisht…jo vetëm nuk reflekton popullin, por është armiku i njerëzve”, tha Zekthi.
Ndër të tjera tha se, “problemi që ka Shqipëria sot është krimi i organizuar dhe korrupsioni në nivel të lartë politik. Ky është problemi dhe të dyja përpiqen ta shmangin, sepse të dyja nuk duan të thonë që do përkrahim cdo përpjekje serioze për të luftuar krimin dhe korrupsionin dhe duhet të shohim në radhë të parë nga vetja jonë. Se kështu bëhet fushata, kështu fitohet zemra e popullit.”
Burimi: botasot.info
