Kombëtarja e Francës është në siklet të madh, para gjysmëfinales ndaj Marokut. Franca synon biletën për në finalen e Kupës së Botës, por duhet të kalojë sfidën e quajtur Marok.
Në stërvitjet para kësaj ndeshje, dy lojtarë i kanë munguar skuadrës. Upamekano dhe Aurelien Tçouameni janë dyshja që s’participuan dot në stërvitje.
Dyshja franceze ka ndjerë disa shqetësime dhe kjo shtynë stafin teknik të frikësohen se mos mungojnë në gjysmëfinale. Tçouameni ishte lojtar kyç në këtë rrugëtim të Francës, si shtyllë kryesore e mesfushës.
Lojtari i Real Madrid ishte golashënues në çerekfinale, ku shënoi nga jashtë zonës. Mbetet të shihet nëse dy lojtarët do të arrijnë të rikuperohen në kohë dhe të kontribuojnë ndaj Marokut.
