Qeveria franceze u kërkoi udhëtarëve nga Kina që të posedonin një test negativ për COVID-19 të kryer në më pak se 48 orë, ndërsa teste të rastësishme do të kryhen tek udhëtarët në mbërritje, transmeton Anadolu Agency (AA).
Kina njoftoi kohët e fundit se do të fillonte të lehtësonte masat pandemike, ekonomia e fundit më e madhe që zgjodhi “të jetuarit me COVID” pas tre vjetësh bllokimesh, kufijsh të mbyllur dhe karantinë të detyrueshme.
Që nga vendimi, një numër i madh njerëzish në Kinë janë infektuar çdo ditë.
Sipas raporteve të mediave lokale, vendimi francez erdhi pas njoftimeve të reja nga vende si SHBA, Mbretëria e Bashkuar, Japonia, Italia dhe Spanja se do të zbatojnë kërkesa të reja për personat që vijnë nga Kina, duke përfshirë rezultatet negative të testit COVID-19.
Është raportuar gjithashtu se qeveria franceze u sugjeron njerëzve që të shtyjnë çdo udhëtim jo thelbësor në Kinë.
