Burime nga ushtria afgane dhe organet e tjera të sigurisë të këtij vendi, kanë bërë të ditur për Foreign Policy, se pjesëtarët e Ushtrisë Nacionale të Afganistanit të njohur ndryshe si Commando Corps, janë vërshuar nga ofertat që t’i bashkohen ushtrisë ruse në luftën e Ukrainës.
Para se SHBA-të të largoheshin nga Afganistani, SHBA ka shpenzuar afro 90 miliardë dollarë në rindërtimin e kapaciteteve të këtyre organeve të sigurisë, transmeton Telegrafi.
E në anën tjetër, oferta për të luftuar përkrah rusëve në Ukrainë, kanë marrë edhe shumë sirianë që mbështeten nga regjimi i atjeshëm i Bashar al-Asadit.
Në anën tjetër, Irani po e ndihmon Rusinë me dronët kamikazë, të cilët javëve të fundit po i përdor kundër infrastrukturës energjetike dhe civile në Ukrainë.
Madje këta dronë kanë shkaktuar dëme të mëdha si në infrastrukturë, sikurse që edhe shumë civilë ukrainas kanë humbur jetën.
Burimi: GAZETA.MK
