Pamjet dhe dëshmitarët kanë arritur të tregojnë saktësisht se çfarë ndodhi në minutat para dhe kur ish-kryeministri Shinzo Abe u qëllua.
Derisa Abe foli në një kryqëzim jashtë stacionit Yamato-Saidaiji në Nara, rrugët nuk u bllokuan dhe një autobus dhe furgon kaluan pas ish-kryeministrit japonez.
Derisa turma me qindra njerëz po ndiqte fjalimin, një person tundi me dorë në shenjë njohjeje të emocionuar ndaj Abe.
I veshur me një xhaketë të errët pavarësisht vapës, Abe i bëri thirrje turmës që të rizgjedhte kandidatin Kei Sato në zgjedhjet e Dhomës së Lartë të kësaj fundjave.
Anëtarët e ekuivalentit japonez të shërbimit sekret qëndruan rreth tij.
Pastaj, një burrë i dobët me një bluzë gri dhe pantallona ngjyrë bezhë erdhi nga pas z. Abe dhe hapi zjarr, duke dërguar një re tymi të bardhë në turmë.
Biznesmeni Makoto Ichikawa, i cili kishte qenë pranë stacionit të trenit në pritje të gruas së tij, tha se i armatosuri “doli nga askund në mes të rrugës duke mbajtur një armë”.
“Nga gjuajtja e parë, askush nuk e dinte se çfarë po ndodhte”, tha ai, duke përshkruar se si sulmuesi u rrëzua në tokë pas goditjes së dytë.
Në atë kohë, Abe gjendej i shtrirë në tokë dhe gjaku u pa duke njollosur këmishën e tij të bardhë.
Ken Namikawa, kryebashkiaku i qytetit Tenri të Narës, thirri me mikrofon duke pyetur nëse kishte mjekë apo infermierë në turmë.
Një infermiere vrapoi dhe filloi të kujdesej për zotin Abe./Botasot
