Flamurtari po ndërton një skuadër ëndrrash për Kategorinë e Parë.
Vetëm në ditët e fundit kuqezinjtë kanë firmosur me Lorenc Trashin, Herald Markun, Albi Allën, Sotiq Atandën.
Më herët kuqezinjtë kanë prezantuar dhe Idriz Bathën, Ardit Hoxhajn dhe Stivi Frashërin.
SuperSport mëson se vlonjatët nuk do të ndalen në afrime, pasi kanë arritur akordin me Ali Adem.
24-vjeçari vjen nga Shkupi, ku sezonin e fundit luajti 27 ndeshje. Mesfushori me tipare mbrojtëse ka mjaft eksperiencë, pasi ka luajtur dhe në Greqi me Aris e Verian.
Ndërkohë që në MV ka qenë edhe pjesë e Vardarit. Për të do të jetë aventura e parë në Shqipëri, teksa do të kërkojë të ndihmojë ekipin e ri në arritjen e objektivave.
Kuqezinjtë duan me çdo kusht rikthimin në elitë. Me merkaton e kryer deri më tani, skuadra vlonjate konsiderohet pa dyshim ekipi favorit për të siguruar një biletë për në Superligë.
Burimi: botasot.info
