Pas rreth 10 vjetësh punë në stafin e ngushtë të Presidentit te Republikes, Flamur Gashi, personi që kuroi politikat ndershqiptare, per Ballkanin dhe diasporen të dy presidenteve, ish presidentit Bujar Nishani dhe presidentit Ilir Meta ka zgjedhur të largohet, dhe të rikthehet andej nga erdhi në vitin 2012 . Pra, si shkruan ai ne nje leter publikuar ne llogarinë e tij ne rrjetin social Fb, jetes publike intelektuale.
Në këtë mënyrë, ish-keshilltari i dy presidentve te Shqiperise, Bujar Nishani dhe Ilir Meta, per ceshtjet ndershqiptare, Kosoven, Luginen e Presheves, shqiptaret ne Mal te Zi e Maqedoni, diasporen shqiptare ne bote, si shkruan ai i ka dhënë fund “kontratës” me Presidencen e Shqiperise, pasi si duket se e ka ndjerë veten të “pamotivuar” për te bere punen që ka bërë në dy mandate presidenciale.
Letra e plotë:
Te dashur miq,
Pas nje eksperience te mrekullueshme si Keshilltar i Presidentit te Republikes se Shqiperise per Çeshtjet e Rajonit dhe Diasporen, ne kabinetet e Presidentit Bujar NISHANI dhe Presidentit Ilir META, nga sot fillon nje faze e re e angazhimeve te mia profesionale dhe intelektuale.
Deshiroj te falenderoj me perulje Presidentin NISHANI, dhe te lutem per shpirtin e tij ne qiell, qe me ftoi te jem pjese e kabinetit te tij ne Presidence pas perfundimit te mandatit tim si Ambasador ne Bosnje dhe Hercegovine.
Nje falenderim te veçante per Presidentin META, me te cilin per pese vite teper sfiduese, punuam fort per Kosoven, shqiptaret ne rajon dhe kudo ndodhen ne bote.
Falenderime per koleget e mi te mrekullueshem te kabinetit NISHANI dhe kabinetit META, me te cilet kam punuar keto vite ne Institucionin e Presidences, miq te mire, profesioniste dhe patriote te vertete.
Falenderim dhe mirenjohje per te gjithe bashkepunetoret, miqte dhe koleget nga Rajoni me te cilet kam bashkepunuar gjate ketyre viteve.
Falenderime me perulje, per te gjithe vellezerit dhe motrat shqiptare ne Kosove, Maqedoni te Veriut, Medvegje – Presheve – Bujanovc dhe Mal te Zi, me te cilet kam bashkepunuar per te miren e çdo shqiptari ne trojet e veta etnike.
Falenderime dhe mirenjohje per qindra e mijera shqiptare ne mergim kudo ne bote, me te cilet kam bashkepunuar. Ata jane krenaria jone kombetare dhe ambasadoret tane me te mrekullueshem ne bote.
Falenderime per te gjithe gazetaret dhe mediat ne gjuhen shqipe ne Shqiperi, Kosove, kudo ne Rajon dhe ne bote, me te cilat kam pasur nje bashkepunim jashtezakonisht te mire, korrekt dhe profesional ne te mire te çdo shqiptari.
Falenderime te perzemerta per çdo shqiptar me te cilin kam pasur rastin te bashkepunojme gjate punes sime ne Presidence.
Çdohere dhe kudo te jem ne te ardhmen, bashkepunimi me te gjithe ju do te jete privilegj dhe nder per mua!
Ti sherbej KOMBIT tim, me ndershmeri dhe perkushtim, ne çdo pozicion pune ku kam qene dhe ku do te jem, eshte qellimi dhe betimi im ne jete!
Zoti ju bekofte!
#JamShqiptar…
