Finlanda do të dërgojë paketën e 18-të të ndihmës që përbëhet nga pajisje të mbrojtjes me qëllim për mbështetjen e Ukrainës, transmeton Anadolu.
Sipas një deklarate me shkrim të bërë nga qeveria e Finlandës, thuhet se presidenti Sauli Niinistö e ka marrë këtë vendim pas propozimit të qeverisë.
Ndihma në fjalë do të jetë paketa e 18-të e pajisjeve të mbrojtjes që dërgohen në Ukrainë nga Finlanda.
Sipas qeverisë, kostoja e kësaj pakete është përllogaritur të jetë rreth 94 milionë euro.
Vihet në dukje se vlera e pajisjeve që Finlanda ka dërguar deri më tani për Ukrainën është 1,3 miliard euro.
