Ka filluar ndeshja finale e Kupës së Shqipërisë, ku në stadiumin “Air Albania” janë duke luftuar kokë më kokë për këtë trofe dy skuadrat, Vllaznia dhe Laçi.
Skuadra e Vllaznisë, e cila aktualisht është kampione e kësaj gare, do të synojë që ta mbrojë këtë titull me fitore sot kundër Laçit.
Ndërkaq, në garën për ta siguruar finalen, Vllaznia në çerekfinale e mposhti Flamurtarin brenda dy ndeshjeve me rezultat 3:1, kurse në gjysmëfinale e eliminoi Partizanin me rezultat të ngushtë 2:1.
Në anën tjetër, skuadra e Laçit në çerekfinale e mposhti Egnatian me rezultat 2:1, kurse në gjysmëfinale e eliminoi Teutën me rezultat 3:2.
