Kryeministri i Maqedonisë së Veriut, Dimitar Kovaçevski, kryeson takimin e 16-të të Këshillit të Stabilizimit dhe Asociimit midis Maqedonisë së Veriut dhe Bashkimit Evropian (BE) që po mbahet në Shkup, raporton Anadolu.
Në takim marrin pjesë Përfaqësuesi i Lartë i BE-së për Politikë të Jashtme dhe Siguri, Joseph Borrell, Komisioneri i BE-së për Zgjerim dhe Fqinjësi, Oliver Varhelyi, si dhe përfaqësues të vendeve anëtare të BE-së dhe institucioneve evropiane.
Nga ana tjetër, në takim, përveç kryeministrit Kovaçevski, marrin pjesë edhe zv.kryeministri për çështje evropiane Bojan Mariçiq, ministri i Punëve të Jashtme Bujar Osmani dhe përfaqësues të tjerë të qeverisë.
Para fillimit të seancës plenare të takimit, kryeministri Kovaçevski pati një takim të ndarë me përfaqësuesit e lartë evropianë.
Gjatë ditës është paralajmëruar një konferencë e përbashkët për media, në të cilën do të marrin pjesë kryeministri Dimitar Kovaçevski, përfaqësuesi i lartë i BE-së, Joseph Borrell dhe komisioneri i BE-së për zgjerim dhe fqinjësi, Oliver Varhelyi.
