Drejtor i Institutit për Studime të Luftës Hibride “Octopus”, Arben Fetoshi ka reaguar ndaj vizitës së sotme të zëvendëskryeministrit serb Aleksandar Vulin në Bruksel, i cili do të marrë pjesë në konferencën “Rruga e Serbisë drejt Bashkimit Evropian, që mbahet në selinë e BE-së.
Fetoshi ka rikujtuar se Vulin njihet si një nga figurat më proruse dhe antiperëndimore në politikën serbe dhe njeri i afërt i Vladimir Putinit, andaj këtë veprim ai e cilëson si një mesazh të qartë sfidues nga presidenti serb, Aleksandar Vuçiq ndaj vetë Bashkimit Evropian.
“I sanksionuari nga SHBA-të për lidhjet me krimin dhe ndikimin rus, e “shpjegon” rrugën e Serbisë drejt Bashkimit Evropian, pikërisht nga selia e BE-së.
Duke e dërguar Vulinin në Bruksel, Vuçiq në fakt po dërgon një mesazh të qartë: Serbia e synon procesin e integrimit evropian sipas projeksioneve ruse, “një kalë i Trojës” për t’i shërbyer interesave të Moskës në BE”, ka shkruar Fetoshi në Facebook.
Burimi: botasot.info
