Arben Fetai tha se ndryshimet kushtetuese janë të patjetërsueshme por shtoi se, e kanë thënë edhe gjatë fushatës se duhet pritur një periudhë 6 mujore deri në përmbylljen e procesit. Fetai tha se beson që në 6 mujorin e qeverisjes, Kryeministri Hristijan Mickosi do të gjejë modelin që do të krijonte zgjidhje për këtë.
“Ne e kemi thënë në vazhdimësi gjatë fushatës se për shkak të ndjeshmërisë së procesit duhet të kalohet një periudhë 3-6 mujore në mënyrë që të nisë dhe përmbyllet procesi i ndryshimeve kushtetuese. Unë besoj se brenda 6 muajve të parë të Qeverisë, kryeministri do të zbulojë modelin sipas të cilit do të gjindet zgjidhja për ndryshimet kushtetuese”, tha Fetai.
Burimi: tv21
